1430~ |

R.A.H. Coll Aanw 43 fol 112/EL 4 fol 31, 32 (ingestoken papier)

Jaartallenindex

roerende der dyckaidze van Crijmpenreweert. In dusdaniger manieren hebben mijns genadighs heeren ende mynre genadiger Vrouwen Rade geordineert Crympenreweert te bedijken: 1) in den eersten soo sal Aelbrecht van Naeldwyck aennemen van sjoncheren wegen van Nassau te bedycken al alsulck landt als die joncheer van Nassau in Crijmpenreweert selve heeft, dat is te weten omtrent 106 mergen, en des sal Aelbrecht in denselven lande beleggen an huijse ende an erve dat 1000 scilde weerdigh sal wesen; 2) Item soo sullen t gemeen landt in den Nederweert behouden ende verdycken alle vlichtdycken die den joncheer van Nassou tot deser tijt toe angecomen mogen wesen. Mer wat vlichtdycken vortan in denselven lande van Nassouw als die te vollen dycke gemaeckt is vervollen sullen, die sal Aelbrecht van Naeldwyck aennemen mitten nacoip, ende die bedijcken na uytwisinge der hantvesten die men dairof maken sal, en des sijn voirwaerde of dat sake waer dat Aelbrecht of syn nacomelingen namaels dat verswairden, en hierna die spade opten dyck wouden steken, so en sal hi niet meer verbueren dan alsulcken lande ende goede als hij mitten voirs 1000 scilden in den voirs. weert heeft; 3) alle bestaande dykrechten, schouwe en hiemrade zullen door nieuwe vervangen worden, behoudelic dat Aelbrecht sijn leven lanck dyckgrave over al den Weert sal wesen; 4) item van der eerden mit heren Roelandt te spreecken; 5) op onwillige bedijkers zullen de kosten verhaald worden [ongedateerd, ingestoken papier]