8 resultaten
1500-05
folio 74v LX 1498-1501
Transportregister Haarlem
Claes Koenez en zijn vrouw Katrijn Jansdochter verkopen Evert Baerent een weijnich erfs, dat de voors Claes en Katrijn an hem gehouden hadden tot een ganck, gelegen after de voors. Everts huys en erve, staende op de Croft tegens den H.Geesthuijs over, en streckende van de voirs. Everts erve an Griete Wiggersdochter
1500~ (6) |
G.A. Monnikendam Inv 154 fol 88-93v/Diversorium Galileaconvent
Jaartallenindex
Dit Sijn Die Goeghen Van Monikebroek: item tuscken die straet ende die goegbregghe mit weghe, daer staen 2 palen ende daer sijn 4 rood goegs van 4 deympt lants ghehieten Lamptgeslant dat is 56 voet goegs. Mer sommighe willen segghen dattet ons niet toebehoert, want het heeft sijn dijck op die oude sluus mit noch twee husen daer an die betimmert sijn. Item een weijnich van die brugghe te gaen daer hebben wij gheslaghen een pael ant noert neffens Claes Fellen rijelant, daer leit die goeg van die acker, 1½ rood ende staet een weijnich van die eerste crom van Monikedam ende suijdwart dairan comt Reijer Aemsz goeg, die quade goeg op die waterslach. Item mids tuscken die eerste crom van t bregghtgen of daer leyt die goeg van Gelresse ven 4 deijmpt, dat deympt anderhalve roode. Summa 6 rood 84 voet, ende strect noortwart bi nae an die ander crom van die goeghe breg, ende suijteyndt te sien neffens dat derde huus van die Sacksteghe ende eijndet noertwert an mits an die anderde crom neffen die sloot van dat naeste lant an die brug daer een pael staet. Item een weijnich westwart daer of leyt een quade goeg ende is ghestoelt op een lant ende hiet dat Mollelant ende heeft een man van Amsterdam vercoft Gheryt Semmesoen. Daer syn wi gheen sever (?) of ende daer legghen voer ons Floertgen meester Dircs, Aechtgen Reijnis, Nies Jan Jaeps, Aeftgen Reijnis, an t ander syd oec Floertgen uts, Jaep Cleesen, Aechte Gelkisdochter. Item daer an van Mollers dyccampsgoeg onse deympt 33 voet ende legghet recht neffen die sudeijnder mollen te sien van Monikedam oestwart op te sien na die scoel ende strecket noert op ende legghet tusken die vierde ende vyffte crom ende eyndet recht te sien op die scoel te Monikedam
1475-05-27 |
G.A. Amsterdam Weeskamer Amsterdam 1e Inbrengregister fol 168
Jaartallenindex
goederen van Ysbrant Claes die men Brandetgin Hein noemt sijnen 4 kinderen mit hoir moeder Niese gemeen, van vaders erve: 2) een stuk lants geheten Haijkenveen te Oeterleec bij Alkmair, 3) een stuk lants toe Alcmair ant Hoflant op die Zweijmmeer, 4) 14 R gld op 6 koeven te Essendelf geheten die gehele ven die Jacob Coppertsz toebehoert, ende op 2 koeven after syn huys, 5) 1 koeven toe Edam after Nanning Jan Jannnincx tuyn, 6) ⅓ deel van Boefcamp toe Broeck, 7) ⅓ deel van 2 koeven int Hop bij Broeck in den Hem, 8) ⅓ deel van 2 koeven in Leijken lant bij Broeck in den Hem, 9) een weijnich lants toe Broeck after Buijser, over die Goeuwe
1442-03-01 (2) |
Cartul Reg St Jan fol 192
Jaartallenindex
(vervolg) Hiertegen gelide drie (!) prior mit synen conventualen voirsz ontfangen tot sijns cloosters behoef van Ariaen voirsz weijnich meer dan vier want lants gelegen in denselven ban, mitter noertsijde vast an den cloester, ende belent hebben an dat westeynde Wouter Heynricxsz mijt sijn oudemoeder, streckende oostwart an St Willebroertswech, ende an die zutside Ariaen voirsz mitten geestlande dat hi van den cloester ontfangen heeft als voirsz is. Item omtrent 1½ want lants weylants streckende westwert van desen naest gescreven lande totter stienplaets wert, also verre als Wouter Heynricsz weyde breed is, ende belent heeft an die zutsijde Wouter voirsz, ende an die noortsyde dat cloester metten papenghilde te Alcmer. Van deze brief worden twee exemplaren opgegmaakt, één te blijven onder Florys Jansz en het ander in het klooster
1500~ (7) |
G.A. Monnikendam Inv 154 fol 88-93v/Diversorium Galileaconvent
Jaartallenindex
(vervolg) Item Pouwels twie stucken 5 ½ deymt, tsamen het deympt 33 voet ende leijt an mollers dyccamps goed ende beghinnet te sien op die scoel toe Monikedam, ende strecket doer die vierde crom westart op ende eyndet een weynich van die vierde crom noertward te sien recht op Edammer kerck. Item westwart an die voers. goeg daer leit die goeg van Dirc Florijsz lant ende is 4 deympt, het deympt 33 voet, ende het eijnt te sien noertwart dat Edammer toorn comt oestwart van twie husen van Katwoud ende zuijtwart te sien op Holesloter coppel. Item om die vierde crom van Monikedam of van t oest een weijnich treden int west soe staet daer een grove pael mit een groet hoeft dat gheslaghen heeft Claes Jan Ympkes, daer west of ende is ons niet. Daer an leijt Sinter Claeslant syn goeg ende hoert oec mede ons niet toe. Item nae Sinter Claes lantsgoeg daer leit an Koelkeweersgoeg daer een pael staet, ende eijndet tot die pael daer naest staet. Ende die pael int oest die beghint in die vyfte cromme neffen die derde sloet suydwert te sien ende eyndet westwart op neffen die vierde sloet tien treden verbij dat cruus te sien dat die anderde pael staet. Ende dit lant is twalif deympt ende elke deympt is XXXIII
1500~ (16) |
G.A. Monnikendam Inv 154 fol 88-93v/Diversorium Galileaconvent
Jaartallenindex
Item Van Cuuskes Landen Haer Dijck: Item van een stucktgen van Jan Cuusken lant ghemeen mit Hilgont Pouwels van haer uterdijck XII voet tsamen. Tander stuck heb wij mit Pieter Grebberskinderen ende is vijf verndel lants, van dat deymt seven voet. Item van Ytgen Jan Cuuskes lant neghen voet, die seven voet gheleghen onder Jaep huus t Udam, ende die ander 2 voet voer sijn huus ende dese 7 voet ende dese 2 voet heeft hi anghenomen te houden. Item Van Claes Claes Eves Lants Dijck: item van Claes Claes Evesis lant 2 deympt 14 voet ende leit after Jan Kinnes ende wij legghen an die westzyde ende an die oestzijde. Item die oeken van Claes Claes Eves lant ende van Claes Gherytsz goeg Camp tsamen 2½ voet, ende leit onder Jan Outghersz huus op die Breeck ende onder datselfde huus leit oec omslach van die twie stuckes van Jaep Ymkes lant derdalf deympt vijf verndel ende een voet. Item Van Claes Gherijtsz Goegcamp: item Claes Gherijtsz goegcamps dijck die leyt op die start een weijnich nae die cromme van comen Willems huus ende is 2½ deympt, dat deympt heeft daer om die bochts willen 10 voet, dat is in als 27½ voet ende die lenden daerof sijn an die oestzijde Arijs Jacopsz twie deympt ende an die westzyde Claes Hensz Huechscamp of als ander luijt segghen die lenden daerof sijn Jan Haghen an die een sijde ende Mari Claes Rolfs an die ander sijde
1496-1497 |
Rek Rentmeester Kennemerland 924 fol 17, 22
Jaartallenindex
"van een waterken en meerken genoempt Sloterdyckermeer liggende by der stede van Amsterdamme, t welck myn aldergenadigste here den Rooms Koninck ende Vrou Marie zyn gesellinne bij hun opene brieven gegeven den 18e in Merte anno 1479 gegundt ende gegeven hebben di kercke van Sloterdyck in eenen erfpacht, overmits dat zeekere jaren doe geleden die kerck van Sloterdijck verbrant ende te nyete gegaen is geweest, ende al ijst zoe dat die gemeene buyren aldair arme scamele lantluijden zyn ende alle naersticheyt gedaen hebben ende noch dagelycx doen nair hoir vermogen omme dezelve kerck weder op te brengen, ende dairinne te besorgen datter van noode is totter eeren ende dienste Gods ende die te onderhouden. Soe en connen nochtans die kerckmeesters ende gemeene bueren mitten renten ende incommende van der voirs. kercke dat zeer weijnich is, noch oick mittet gunt dat bij devotien daertoe gegeven wordt, die voirs. gebreken niet gefurmen [?] sonderlinge van kelcten, boecken ende anders dat van node is", om al deze redenen en ook omdat het meertje bevist wordt door niet-Sloterdijkers, zodat het dorp er geen inkomsten uit had, verzoekt de kerk het in erfpacht te mogen nemen, hetgeen geschiedt, tegen betaling van 24sc (fol 17). "Van een quaet leenkin ende is een lapkin hoijlants gelegen tot Assendelft, buijtendijcx, dat van den meeren afslaet, geldende sjaers 3£ van 40 gr, mijnen genad. here anbestorven van Jan vuijten Hage Willemsz diet tot een recht leen houdende was van der grafelijkheid van Holland, te weten de rechte helft van 4 morgen lants of daaromtrent, gelegen in den ambacht van Assendelft", west: die meer, oost: Willem Ocker mit eygen erve, daeraf dat Jan Jansz van der Beke dat wederdeel in leen houdt van de grafelijkheid. Welke ½ van Jan uten Hage de hertog aan Gerrit here van Assendelft ten vrijen eygen verkocht had (fol 22)
1500~ (17) |
G.A. Monnikendam Inv 154 fol 88-93v/Diversorium Galileaconvent
Jaartallenindex
Item Van Die Dijck van Piertges Noert: Item die oert op die Belmersmeer an die westzijde hoert toe die broeders van Galileen. Die merck dijck drie verndel voets het deympt. Op die breeck van Symen Aves 6 of 7 deympt 1 voet. After Heertgen een deympt 2½ voet. Op IJen breeck 6 deymt een voet. Op Koeve [n] hof 5 deympt een voet, in die Poller het deympt een voet stijf. Sunnerdorp op die keeck 6 deympt een voet. Bi sunnerdorps oude coppel wi westen an het deympt een voet. Voer Symon Ackermans het deympt een voet. Onder Liesgen Boeneters huus 6 deympt een voet. Onder Reijer Taems huus een deympt een lutgen meer dan ½ voet. Op die nuwe roeijen het deympt drie verndel voets. Op Sanerdijck van deympt ruum een halve voet. Op twie steden sijn groet voer 5½ deympt te werck weer. Dat Opheefgen Te Broeck Sijn Dijck: Item dat opheefgen heeft 11 voet dycks van Jaep Jan Melijsz ghecomen ende die lenden sijn an die zuijtsijde Wouter Dobbis oude ven ende ant oestzyde Dirc Clusis Hilbrant Nellis Ven 6 voet dijcks. Van Brunings Weer Half Ons Sijn Dijck: Item half Brunincsweer ons 3 deijmpt heeft 21 voet dijcks ende dese legghet volnae bi die naeste crom van Udam neffen een cleijn breectgen bi die crom, ende sijn lenden an die noertsyde mr Willem van Amsterdam Willem Arijsz an die zuijtsijde, ende die ander helft van Brunincsweer ende hoert Pieter Grebber toe ende dese dijck legghet noertwert van dat breegken. Ende opdat hoecgen of an die noertsijde beghint Jaep Martsz lant mit die oerden an die goeg zuytwert alsoe als daer voer ghescreven is ende beghint te sien recht op Broker kerck coemt voer een huis in die Riep. Van Dat Lant Daer Wij Op Sitten Sijn Dijck: item van dit lants dijck soe hebben wij 20 voet dijcks in die Wilnis ende sijn gheleghen onder die huijsen in die Wilnis bi Jan Outghersz. Die lenden an die oestzijde Brantgen van Overleeck ende an die zuytzyde Hilgont Jan Verschengis. Item noch toe Beijsloet een weijnich van die sluus daer heb wij 18 voet dijcks oeken van dat lant daer onse convent op staet ende van dit lant om onse convent gheleghen ende is ghebolwerct