1440-1441 (1) |

Rek Rentmeester Kennemerland en West Friesland 871 fol 17

Jaartallenindex

Adriaen, die timmerman, van Hairlem, ghetymmert ende gewrocht an den huyse van Middelburch, in den jare 1441. Eerst op ten hogen toirn aen die overste solre also alle die balken die d'een an den anderen leggen byna all verrot ende vermolzent waren, also dat die solre voirs. gevreest was in te storten, an beyden eynden in die muijr gemaict ende gesteken XV grote houten nolen (noten ?) ende daerop geleyt 2 balken daer die voirs. balken die verrot syn op rusten ende leggen. Item die bottelrie die ingevallen was tot veel steden nije ribben onder geleijt ende vermaict daers te doen was. Item onder die binnenste zael in die kelre een stiper geset also die zael instorten woude, want daer niet onder en leyt dair die vloer van der zael op rust dan een balc ende een lateijll. Item die trap van der zael vermaect die zeer quaet was. Ende dat huys boven alomme, als veynsteren ende ander dingen overal versien daer s te doen was. Item een nyeuwe opgaende valbrugge gemaect. Item dat moerhuys tot som steden op nije platinge geset, ende after an dat selve huys, onder dat wolfeynde, dat instorten woude, nije wormen onder geleijt ende tot zommige steden gebonden mit kanthout om datselve wolfeynde mede te sturen. Ende die trappen an denselven moerhuys die buten stont op die koernsolre te gaen binnen in t huys geset ende een nije valdoer aen dieselve koernsolre gemaact, daer hi mit enen man tot hem over gewrocht heeft elcx 17 dagen, elcx 16 nye gr per dag, facit 6£ 16sc en voor hun cost 17 dagen, elcx sdages 4sc, facit 3£ 8sc. Van canthout, sparren en plancken 10£ 16sc, 2 houtzagers die 2 dagen zaagden 16sc